«Гучы, маё роднае слова!» - пад такім дэвізам прайшоў Тыдзень беларускай мовы і літаратуры ў аддзеле дзіцячай і юнацкай літаратуры. З 19 па 25 лютага навучэнцы школ, маленькія выхаванцы дзіцячых садкоў і проста ўсе жадаючыя змаглі прыняць удзел у многіх мерапрыемствах, якія былі прымеркаваны да гэтага Тыдня.

Распачаўся Тыдзень акцыяй «Размаўляй са мной па-беларуску». Супрацоўнікі аддзела з прыгожымі прывітальнымі словамі звярталіся да ўсіх, хто заходзіў ва ўстанову, заклікалі паспрабаваць свае сілы ў гульне слоў «Вясёлы ералаш», у інтэрактыўных гульнях «Кола загадак» і «Перакладач», паўдзельнічаць у аўкцыёне «Растлумач фразеалагізм – атрымай цукерку». У акцыі з задавальненнем прымалі ўдзел усе наведвальнікі, вельмі прыемна было чуць беларускае слова і ад дзяцей, і ад дарослых. Падчас гульняў ўдзельнікі змаглі акунуцца ў атмасферу самабытнасці і непаўторнасці роднага слова, праявіць свае здольнасці ў ролі перакладчыкаў.

Таксама цікава і займальна прайшлі мерапрыемствы, падрыхтаваныя бібліятэкарамі на працягу ўсяго тыдня.

Падчас мерапрыемства «Чытанне з Буслікам, або шпарка па-беларуску, бібліятэкар пазнаёміла дзяцей з часопісамі «Буся» і «Вясёлка», з кнігай Раісы Баравіковай і Уладзіміра Ліпскага «Пра Бусю, які жыве на Беларусі». Вядучая зачытвала з часопісаў услых апавяданні некаторых беларускіх дзіцячых пісьменнікаў, а дзеці з вясёлым настроем удзельнічалі ў конкурсах і гульнях: «Перакладчыкі», «А вы ведаеце беларускія казкі!», «Хто жыве ў двары», «Свістулька беларуская», «Міхасік», «Сонейка ўсміхаецца».

А падчас вандроўкі па старонках кніг беларускіх загадак «Загадкі сеем як зярняткі, каб ураджай сабраць багаты», бібліятэкар пазнаёміла дзяцей з беларускімі загадкамі, прымаўкамі і прыказкамі, пазагадвала ўдзельнікам загадкі ад Міколы Маляўкі, Івана Муравейкі і Анатоля Зэкава. Падчас мерапрыемства рабяты праявілі кемлівасць, здагадлівасць і спрыт ў вясёлых гульнях «Сыр у мышалоўцы», «Назаві адным словам», «Знайдзі свой домік», «Бусел і жабкі. Напрыканцы сустрэчы адбыўся паказ мультфільмаў кінастудыі «Беларусьфільм»: «Піліпка», «Дзед», «Беларуская казка – розуму падказка» і «Ліса, мядзьведзь і мужык». Таксама на абанеменце для аматараў беларускага слова ўвесь тыдзень дзейнічала кніжная выстава «Гучы, маё роднае слова!».

Тыдзень роднай мовы завяршыўся, але наша жыццё працягваецца. Таму хочацца пажадаць, каб родная беларуская мова гучала не толькі падчас мерапрыемстваў, але і кожны дзень, бо роднае слова – гэта не толькі найважнейшы сродак нашага духоўнага развіцця, скарбніца гісторыі народа. Яно з’яўляецца самай прыкметнай адзнакай нацыянальнай прыналежнасці чалавека.

Сярод мноства святаў ёсць асаблівы — 23 лютага, Дзень абаронцаў Айчыны. Гэта асаблівы дзень у нашай гісторыі і агульнае свята для ўсіх грамадзян. 22 лютага напярэдадні свята ў чытальнай зале аддзела дзіцячай і юнацкай літаратуры прайшла конкурсна-гульнявая праграма "Я б пайшоў у армію". Падчас мерапрыемства выхаванцы дзіцячага сада №3 нумар адзін адгадвалі загадкі, а таксама ўдзельнічалі ў такіх конкурсах, як «Обувай-ка», «Удержи шар», «Ядро для барона Мюнхаузена», «Болото», «Врач» и «Прищепочка».

Ежегодно 23 февраля мы поздравляем всех, кто защищал, защищает, и будет защищать нашу родную землю – всех мужчин. Ведь именно на них возлагается почетная обязанность быть защитниками Отечества. История знает множество примеров, когда армия вместе со всем народом отстаивала независимость страны. К этому праздничному дню в фойе библиотеки оформлена фотозона и книжная выставка- панорама «Доблесть. Отвага. Честь». 

22 лютага 2024 года ў чытальнай зале аддзела дзіцячай і юнацкай літаратуры прайшла літаратурная мазаіка «Сардэчна запрашаем у чароўны свет знакамітых казачнікаў». Бібліятэкар расказала дзецям 1 і 2 класа сярэдняй школы №1 пра вялікіх казачнікаў свету, якія падарылі нам свае цудоўныя, дзіўныя і незвычайныя казкі. Дзеці ўзгадалі імёны замежных і рускіх казачнікаў і іх творы. Гэта такія казачнікі, як Ганс Хрысціян Андэрсан, Шарль Перо, Браты Грым, Аляксандр Сяргеевіч Пушкін, Алан Аляксандр Мілн і Джозэф Рэдзьярд Кіплінг Таксама дзеці з задавальненнем глядзелі ўрыўкі з мультфільмаў, знятых па казках гэтых пісьменнікаў.