Талерантнасць як ніколі раней важная ў сучасным свеце, бо ўсе мы і тыя, хто нас акружае, па-сапраўднаму шчаслівыя, калі разумеем, што наша жыццё мае каштоўнасць не толькі для нас. А як і ўсякае выхаванне, выхаванне талерантнасці трэба пачынаць з дзяцінства.

20 сакавіка 2025 года ў Вышадскай сярэдняй школе ім. Н.І.Гапеёнка і Межанскай сярэдняй школе імя А.Я.Казлова для вучняў сярэдніх класаў прайшло мерапрыемства, прысвечанае дабрыні і цярпімасці. Мерапрыемства праходзіла ў рамках кафедры праваслаўнай літаратуры. Падрыхтавалі і правялі сустрэчу – дыялог “Мы ўсе розныя, мы ўсе роўныя” бібліятэкар сектара дзіцячай і юнацкай літаратуры раённай бібліятэкі і настаяцель храма святога апостала Андрэя Першазванага г. Гарадка іерэй Аляксандр. Сустрэчу распачалі пытаннямі “Што для вас значыць талерантнасць?”, “Якія якасці вы разумееце пад талерантнасцю?”, “Як вы думаеце, чаму яна так актуальная ў цяперашні час?”. Затым бібліятэкар пазнаёміла рабят з паняццем “Талерантнасць”, распавяла ім пра асноўныя рысы талерантнай асобы, пра талерантныя паводзіны: павагу адзін да аднаго, да звычаяў, традыцый і культуры розных народаў, талерантныя адносіны аднакласнікаў паміж сабой.

Таксама школьнікі ўважліва паслухалі і абмеркавалі прытчу “Ладная сямья” і верш Э. Асадава “Стихи о рыжей собаке”.

Напрыканцы мерапрыемства дзеці зрабілі высновы аб неабходнасці выхоўваць у сабе цярпімасць адзін да аднаго і павагу да чужога меркавання.