26 лютага 2021 года ў аддзеле дзіцячай і юнацкай літаратуры Гарадоцкай бібліятэкі адбылася чарговая сустрэча з удзельнікамі клуба “Неугомонные детки” (1-ы “Г” класс СШ №1), прысвечаная Міжнароднаму дню роднай мовы.
Падчас гульні-падарожжа «Край, у якім я жыву» дзеці з задавальненнем адгадвалі загадкі, віктарыны, гулялі ў беларускія гульні: “Шэры кот”, “Міхасік”, “Грушка” і інш. Вельмі зацікавіла ўдзельнікаў мерапрыемства кніжная выстава “Чароўнае кола беларускіх казак”. А маленькая клубніца, Карына Віхаценка, навучыла прысутных беларускаму танцу. Сустрэча прайшла ў цёплай атмасферы і прынесла добры настрой, а маленькія ўдзельнікі ў чарговы раз прадэманстравалі багатую фантазію, вынаходлівасць і майстэрства.