Зіма – вельмі прыгожая пара года. Марозная, вясёлая, радасная. Пра прыгажосць зімы шмат пісалі беларускія пісьменнікі і паэты.

15 снежня 2023 года бібліятэкар аддзела дзіцячай і юнацкай літаратуры запрасіла маленькіх выхаванцаў дзіцячага садка №2 на зімнюю чароўную літаратурную гульню “Зіма ў творчасці беларускіх пісьменнікаў і паэтаў”. Дзеці с вялікім задавальненнем гулялі ў зімнія гульні: “Калі гэта бывае”, “Збяры сняжкі лапатай”, “Снегапад”, “Назаві ласкава”, “Рукавічка”, “Прайсці па льдзінкам”, “Я ведаю”, “Сняжынкі”. Таксама юныя прыхільнікі беларускай літаратуры пазнаёміліся з апавяданнямі аўтараў: М. Даніленкі “Ключы бабулі Зімы”, А. Ставер “На горцы”, І. Муравейкі “Малюнкі на шыбе”, М. Хведаровіч “Снег”, Г. Аўласенкі “Чаму мядзведзь зімой убярлозе спіць”, Н. Галіноўскай “Пісьмо на снезе”. А напрыканцы сустрэчы гасцей чакаў прыемны сюрпрыз – лялечны спектакль “Навагоднія прыгоды Калабка”.