Кнігі жывуць з намі побач у шафе і на паліцах, кніга робіць наша жыццё ярчэй і багацей, нашы пачуцці - глыбей, думкі вастрэй. У кнізе можна знайсці адказы на многія пытанні. Добрая кніга - гэта як гутарка з разумным і добрым чалавекам, а любоў да чытання пачынаецца з дзяцінства!

11 кастрычніка 2023 года бібліятэкар аддзела дзіцячай і юнацкай літаратуры раённай бібліятэкі запрасіла юных аматараў чытання (вучняў 3-га "Б" класа СШ №2) на літаратурную гульню "З міру па казцы", якая была прысвечана дзіцячым пісьменнікам розных краін. Падчас літаратурнай гульні дзеці ўзгадвалі творы любімых аўтараў, адказвалі на пытанні гульні - віктарыны "Пытанні са шкатулкі", удзельнічалі ў літаратурных конкурсах "Неразлучныя сябры" і "Вясёлы мастак", з задавальненнем глядзелі лялечны спектакль "Кот, певень і ліса". На мерапрыемстве вучні паказалі добрыя веды па творчасці розных пісьменнікаў, узгадалі іх творы і ўзялі кнігі дадому, каб яшчэ раз акунуцца ў захапляльны і чароўны свет казак.