16 і 17 лютага маленькія выхаванцы з дзіцячых садкоў №3 і №1 разам з бібліятэкарам аддзела дзіцячай і юнацкай літаратуры адправіліся ў віртуальнае падарожжа “Чароўнае кола беларускіх казак” па цудоўным свеце беларускай сучаснай казкі. Падчас сустрэчы маленькія падарожнікі пазнаёміліся з такімі беларускімі сучаснымі пісьменнікамі, як Н. Галіноўская, Г. Аўласенка, Р. Бензярук і інш. З вялікім задавальненнем дзеці паслухалі казкі гэтых аўтараў, паразгадвалі загадкі па творах М. Чарняўскага і В. Віткі, паўдзельнічалі ў вясёлых гульнях і конкурсах “Пераўтварыся ў казачнага героя”, “Гусі ляцяць”, “Заінька”, “Сляпы музыка”, “Міхаськаў лапаць”. Завяршылася мерапрыемства паказам лялечных спектакляў “Як кот звяроў напалохаў” і “Бесклапотны зайка”.