Масленіца - старадаўняе славянскае свята праводзінаў зімы. Святкаванне Масленіцы суправаджалася абрадамі, рознымі забавамі і гульнямі. Масленічны тыдзень асацыюецца ў нас з блінамі, духмяным чаем, карагодам, песнямі і скокамі, спаленнем пудзіла Зімы.
24 лютага 2023 года ў аддзеле дзіцячай і юнацкай літаратуры для вучняў 1-х і 2-іх класаў СШ №1 (у рамках святкавання Масленіцы) прайшла гадзіна фальклору “Красное солнышко – гори, гори ясно!”. У гэты дзень удзельнікі мерапрыемства змаглі развітацца з халодным часам года і павітаць надыходзячую вясну. Бібліятэкар пазнаёміла з традыцыямі і абрадамі старажытнага і вясёлага звычаю, расказала аб назве і значэнні кожнага дня масленічнага тыдня, узгадала прыказкі і прымаўкі пра свята. А якая ж Масленіца без вясёлых гульняў і забаў? Дзеці з вялікім задавальненнем прынялі ўдзел у вясёлых конкурсах і народных гульнях: “Бой на воздушных шариках”, “Кулачные бои”, “Попади в мишень”, “Сковорода”, “Бег на трёх ногах”, “Мотальщики”, “Лучший исполнитель частушек”. Напрыканцы свята ўсе прысутныя частаваліся духмянымі блінамі.