22 лютага 2023 года бібліятэкар чытальнай залы аддзела дзіцячай і юнацкай літаратуры запрасіла навучэнцаў 1-х і 2-х класаў СШ №1 г. Гарадка на пазнавальна-гульнявы ўрок-падарожжа “Безопасность дома”. Дзеці ў гульнявой форме, на прыкладах казачных герояў, вывучылі правілы паводзін дома і на вуліцы. Прайшоўшы станцыі “Один дома”, “Незнакомец”, “Электроприборы”, “Лекарства и бытовая химия” “Балкон, окно”, навучэнцы даведаліся, што нельга пакідаць без нагляду электранагравальныя прыборы (а таксама іншыя правілы бяспекі пры выкарыстанні электраабсталявання), разабраліся ў прычынах узнікнення пажараў і іх наступствах, успаміналі, як дзейнічаць, калі ўзнік пажар, а ў пакоі шмат дыму і цяжка дыхаць, называлі нумары тэлефонаў, па якіх можна патэлефанаваць у выпадку ўзнікнення небяспечнай сітуацыі, расказалі, якую інфармацыю неабходна паведаміць дзяжурнаму і як паводзіць сябе з незнаёмымі людзьмі на вуліцы.
Падводзячы вынік сустрэчы, дзеці прыйшлі да высновы, што многія няшчасныя выпадкі можна прадухіліць, выконваючы самыя элементарныя правілы бяспекі.