Кнігі, зробленыя з фантазіяй і любоўю, адзначаліся арыгінальнасцю. Зшытыя з тканіны, зробленыя з берасты, абцянутыя скурай, з прыгожымі малюнкамі - яны нікога не пакінулі абыякавымі.
Кожны жадаючы мог на свяце зрабіць свой выбар, прагаласаваць за спадабаўшуюся кнігу. Больш галасоў па “народнаму” галасаванню на свяце атрымала дзіцячая кніга “Загадкі ад зайкі-усезнайкі” з берасты, якую зрабіла сям’я Бажковых з в. Мехавое. Кніга з яркімі, прыгожымі малюнкамі адразу кідалася ў вочы.
Таксама нікога не пакінула абыякавым кніга для развіцця дзіця “Умняша”, зшытая з тканіны чытачом Пальмінскай бібліятэкі - школы здаровага ладу жыцця Н.Н.Атрашкевіч , якая заняла другое месца ў “народным” галасаванні. Кніга атрымалася вельмі яркая і прывабная.
Сям’я Раманавых з в. Сцяпанавічы прадставіла на конкурс вышытую кнігу беларускіх вершаў “Беларусь - мой родны край”. У кнізе цалкам вышыты тэкст і малюнкі, у афармленні выкарастаны элементы выцінанкі.
Таксама прываблівала ўвагу кніга, зробленая супрацоўнікамі цэнтральнай раённай бібліятэкі “Тарас на Парнасе”, якая ў “народным” галасаванні заняла чацвёртае месца. Метадыст аддзела маркетынгу Зайцава Л. М., мастак Галавіна М. Б., бібліятэкар аддзела абслугоўвання Банадысева К. А. сумесна зрабілі кнігу вельмі яркай і прывабнай.
Заслугоўвае таксама павагі самаробныя кнігі, прадстаўленыя супрацоўнікамі Пальмінскай, Бычыхінскай, Вархоўскай, Халамерскай, Беразнякоўскай, Даўгапольскай, Верамееўскай сельскіх, Езярышчанскай гарпасялковай бібліятэк і навучэнцамі Дзіцячай школы мастацтваў.
Але, прадстаўленыя работы яшчэ ацэніць кампетэнтнае журы конкурсу. Да 20 чэрвеня лепшыя кнігі па кожнай намінацыі будуць адпраўлены ў аддзел бібліятэказнаўства ДУ “Віцебская абласная бібліятэка імя У. І. Леніна” для ўдзелу ў абласной выставе-аглядзе самаробнай кнігі, якая пройдзе ў верасні 2017 года ў г. Полацку падчас святкавання Дня беларускага пісьменства.
Паважаныя жыхары раёна!
У каго ёсць яшчэ жаданне прадставіць сваю самаробную кнігу, нагадваем: кнігі прымаюцца да 10 чэрвеня. Чакаем… Прыносьце кнігі, калі ласка, у аддзел маркетынгу цэнтральнай бібліятэкі (памяшканне культурна-асветніцкага цэнтру “Гарадок” (другі паверх).