22 лютага да Дня роднай мовы для навучэнцаў малодшых класаў Межанскай сярэдняй школы супрацоўнік бібліятэкі падрыхтавала гутарку-падарожжа “Родная мова, як матчына ласка”. Пачалося мерапрыемства прэзентацыяй дзіцячых кніг беларускіх пісьменнікаў з бібліятэчнай выставы “Родная мова матулі”.
Падчас падарожжа па роднай мове дзеці пазнаёміліся з кнігай В. Віткі “Урокі роднага слова”, выказваннямі пра мову вядомых беларускіх пісьменнікаў, вершамі, апавяданнямі, беларускімі загадкамі. Даведаліся пра прыроду нашай Радзімы. Напрыканцы маленькія падарожнікі с задавальненнем удзельнічалі ў цікавай тэатралізаванай гульне “Воўк, каза і капуста”.
