Прыгожая, пявучая, неверагодна паэтычная і меладычная – гэта ўсе эпітэты аб роднай беларускай мове.
21 лютага, у Міжнародны дзень Роднай мовы, у чытальнай зале раённай бібліятэкі прайшло паэтычнае спатканне пад назвай «Роднай мовы гук чароўны».
На мерапрыемства прыйшлі людзі, якіх аб’ядноўвае — шчырая любоў да роднай мовы, да свайго роднага края.
Госці з задавальненнем размаўлялі на роднай мове, дзяліліся сваёй творчасцю ,успамінамі .
Былая настаўніца беларускай мовы і літаратуры Святлана Мікалаевна Студзянцова пазнаёміла прысутных з гісторыяй узнікнення беларускай мовы, прачытала верш Максіма Танка “Родная мова”, падзялілася сваёй творчасцю.
Зацікаўленасць, добразычлівасць, атмасфера даверу панавалі на працягу ўсяго мерапрыемства .