Літаратурны альманах з аўтарскімі паэтычнымі творамі і работамі малай прозы, прадстаўленымі на конкурс.
У жыцці кожнага чалавека ёсць куточак, успаміны аб якім на працягу ўсяго жыцця захоўваюцца ў сэрцы. Бяскрайнія рэкі, блакітныя азёры-люстэркі, шумныя дубровы, звонкія крыніцы — так і вабіць да сябе прыгажосць роднага краю. Год малай радзімы – добрая нагода звярнуць увагу на родныя мясціны. І на тых,хто сваёй творчасцю, душэўнай неабыякавасцю дае гэтым месцам другое жыццё. Гарадоцкая цэнтральная раённая бібліятэка ў рамках праекта “Зямля, дзе ўтульна сэрцу” на працягу года прымала вершы, эсэ, паданні альбо апавяданні, прысвечаныя гораду Гарадку, Гарадоцкаму раёну. Прадстаўленыя матэрыялы размяшчаліся на сайце Гарадоцкай сеткі публічных бібліятэк. Спасылкі на іх публікаваліся ў сацыяльных сетках “Одноклассники”, “ВКонтакте” для азнакамлення як мага большай колькасці карыстальнікаў. Удзельнічаць у праекце маглі жыхары горада Гарадка і Гарадоцкага раёна ўсіх узростаў.
Прадстаўляем вашай увазе творы, прадстаўленыя на конкурс.
