Максім Багдановіч – класік беларускай літаратуры, паэт, празаік, гісторык літаратуры і літаратурны крытык, публіцыст, перакладчык. Творчасць Багдановіча прасякнута любоўю да краіны, да беларускай мовы і трывала ўвайшла ў духоўную скарбніцу беларускага народа. Літаратурная дзейнасць Багдановіча прасякнута думкамі аб цяжкай долі працоўнага народа, яго змаганне за лепшую долю, яго імкненне выбіцца на шлях свабоды і шчасця.
На мерапрыемстве прысутнічалі навучэнцы сярэдняй школы № 1, супрацоўнікі раённай бібліятэкі і аматары беларускай класікі.
Урачыста адкрылі вечар беларускай песняй супрацоўнікі Цэнтра традыцыйнай культуры і народнай творчасці Л. Рэзкіна і У. Шакуцёў. Прынялі ўдзел настаўнікі і выхаванцы Дзіцячай школы мастацтваў. Таленавітая Ганна Жэгуловіч (настаўнік М. Сахвановіч) выканала на цымбалах музычную кампазіцыю з сюіты «У свеце танца» «Блюз і Тарантэла», заваражыла гледачоў сваёй чароўнай музыкай настаўніца па класу скрыпкі Аліна Шыбко.Супрацоўнікі бібліятэкі чыталі вершы паэта
З літаратурным аглядам выступіла бібліятэкар аддзела абслугоўвання і інфармацыі раённай бібліятэкі Кацярына Банадысева. Яна апавядала пра творчую спадчыну Максіма Багдановіча, кнігі і артыкулы пра паэта, пра яго адзіны прыжыццёвы зборнік паэзіі “Вянок”.
На вечары гучалі відэазапісы песень на вершы Максіма Багдановіча ў выкананні вакальна-інструментальнага ансамбля “Песняры”.