15 кастрычніка супрацоўнікі Бычыхінскай сельскай бібліятэкі звапрасілі жыхароў вёскі на літаратурна-музычны вечар “Самае дарагое, самае блізкае”, прысвечаны Дню маці. Мерапрыемства было арганізавана сумесна з сельскім Домам культуры. Пачатак мерапрыемства быў паэтычны: дзеці з любоўю чыталі вершы і апавяданні пра маці, а таксама казалі цёплыя словы ў іх адрас.
Ва ўрачыстай абстаноўцы старшыня сельсавета павіншаваў са святам мнагадзетную маці З.Ф. Сямёнаву. Далей мерапрыемства працягнулася святочным канцэртам, дзе для любімых матуль гучалі шчырыя словы любові, падзякі, павагі да жанчыны-маці. Для запрошаных з песнямі выступілі мясцовыя спявачкі, удзельніцы клуба “Душевный разговор”.