Ў рамках свята цэнтральная раённая бібліятэка прапанавала жыхарам і гасцям горада прагуляцца па “Кніжным бульвары” ля помніка “Тарас нс Парнасе”, дзе была прадстаўлена фота-выстава “Гарадоччына ўчора і сёння”. Побач праходзіў майстар-клас па брашуроўцы кніг “Мастерская своего дела”, пад час якога супрацоўнік бібліятэкі вучыў на спецыяльнай прыладзе ўсіх жадаючых брашураваць кнігі і блакноты. Бібліятэкар-бібліёграф прапанавала ўвазе гасцям свята “Красную книгу Городокского района”. Гэта анатаванае і ілюстраванае выданне рэдкіх на тэрыторыі Гарадоцкага раёна відаў дзікіх жывёл, птушак, дзікарослых раслін, грыбоў, якія знаходзяцца пад пагрозай знікнення і падлягаюць ахове. Маленькіх наведвальнікаў свята больш за ўсяго прывабіла бяспройгрышная латарэя. А для дзецей і дарослых ў дадатак да сонечнага настрою мастак бібліятэкі прапанаваў ўпрыгожыць сябе яркім часовым малюнкам.