18 сакавіка ў Езярышчанскай гарпасялковай бібліятэцы адкрыццё Тыдня дзіцячай і юнацкай кнігі адзначылася “Святам кнігі”. Мерапрыемства распачалося ў школе, на ім прысутнічалі навучэнцы 2-5 класаў. Дзеці самі ўдзельнічалі ў касцюміраванай пастаноўцы па казках “Зайчья капуста” і “Теремок”. Спадабаўся ўдзельнікам і конкурс лепшых чытальнікаў вершаў, дзе дзеці чыталі вершы пра бібліятэку. Напрыканцы ўсіх чакалі салодкія падарункі, а самыя актыўныя атрымалі прызы.

У Вархоўскай сельскай бібліятэцы Тыдзень дзіцячай і юнацкай кнігіраспачаўся з узнагароды лепшых чытачоў (дзяцей) за 2015 год. Да слова, гэта не адзінае мерапрыемства, якое прайшло ў бібліятэцы, прыўрочанае да Тыдня дзіцяча і юнацкай кнігі. Аўторак быў названы днём літаратурных гульняў, серада была днём літаратурных загадак. На працягу ўсяго тыдня дзеці кожны дзень сустракаліся з любімымі пісьменнікамі, казачнымі героямі, ўдзельнічалі ў розных віктарынах. Напрыканцы тыдня прайшоў пазнавальны час “Всё самое интересное”, з віктарынай “Мы Беларусы”, дзе дзеці адказвалі на пытанні вядучай пра родную краіну.

Шмат цікавых мерапрыемстваў  у рамках Тыдня дзіцячай і юнацкай  літаратуры прайшло і ў дзіцячым адделе Гарадоцкай цэнтральнай бібліятэкі. Мерапрыемствы праходзілі ў аздараўленчых лагерах пры СШ № 1, СШ № 2 і Цэнтра дзяцей і моладзі. Галоўнай мэтай кожнага мерапрыемства была папулярызацыя кнігі. Зрабіць свята запамінальным, радасным, поўным сюрпрызаў – задача, якую перад сабой паставілібібліятэкары.Дзецям былі прапанаваны разнастайныя мерапрыемствы: літаратурная гульня “С миру по нитке”, пазнавальная гадзіна “Эти забавные животные”, літаратурнае падарожжа “Главный сказочник света”, літаратурнае лато“Нескучные уроки”, літаратурнае знаёмства “Вандроўкі з Ул. Ягоўдзікам”. Усе гэтыя мерапрыемствы далучаюць юных чытачоў да чароўнага свету кніг.