ЖУРАЎ ВІТАЛЬ МІКАЛАЕВІЧ

(1920- 2010)

Чыгуначнік.

Герой Сацыялістычнай Працы (1966).

Нарадзіўся 8 мая 1920 года ў в. Іванаўка Гарадоцкага раёна. Працоўную дзейнасць пачаў слесарам Віцебскага паравознага дэпо. У гады Вялікай Айчыннай вайны служыў у чыгуначным батальёне на Варонежскім фронце. Пасля вайны працаваў у Віцебскай дыстанцыі пуці, служыў у чыгуначных вайсках.

За выдатныя поспехі, дасягнутыя ў выкананні заданняў сямігадовага плана перавозак, развіцці і тэхнічнай рэканструкцыі чыгуначнага транспарту, 4 жніўня 1966  В. М. Жураву было прысвоена званне «Герой Сацыялістычнай Працы».