РАМАШКІН ЦІМАФЕЙ ЦЯРЭНЦЬЕВІЧ

(1919 - 1954)

Бортмеханік грамадзянскай авіяцыі.

Герой Савецкага Саюза (1954)

Нарадзіўся 15 красавіка 1919 года ў в. Марчанкі Гарадоцкага раёна. Скончыў Ульянаўскую авіятэхнічную школу,  працаваў тэхнікам самалёта ў грамадзянскай авіяцыі ў Ленінградзе. У гады Вялікай Айчыннай вайны служыў бортмеханікам самалёта ў авіяцыйным палку грамадзянскага паветранага флоту. Здзейсніў некалькі баявых вылетаў у Карэліі, Фінляндыі.

Пасля вайны Ц. Ц. Рамашкін вярнуўся ў грамадзянскую авіяцыю, працаваў бортмеханікам.  8 студзеня 1954 года, выконваючы рэйс Талін – Ленінград, праявіў мужнасць пры затрыманні ўзброеных злачынцаў, якія хацелі захапіць самалёт. У гэтым паядынку Цімафей Рамашкін быў смяротна паранены.

25 студзеня 1954 года за мужнасць і самаадданасць Рамашкіну Ц. Ц. было прысвоена званне «Герой Савецкага Саюза» (пасмяротна).