16 верасня 2021 года для вучняў 4 класа СШ № 2 у чытальнай зале аддзела дзіцячай і юнацкай літаратуры прайшло незвычайнае падарожжа “Маё Прыдзвінне. Гарадоччына”, прысвечанае Дню народнага адзінства. Бібліятэкар расказала дзецям аб маральных каштоўнасцях беларусаў, любві да Айчыны, гісторыі сваёй краіны, захаванні і папулярызацыі традыцый і культурнай спадчыны. Для дзяцей сталі адкрыццём некаторыя цікавыя звесткі з гісторыі сваёй маленькай радзімы, факты з жыцця людзей, якія шмат зрабілі для развіцця Гарадоччыны. Навучэнцы даведаліся пра гістарычныя помнікі, знакамітых землякоў, прыродныя рэсурсы раёна.
