Героі мерапрыемства “Дзед Талаш” і “Бабка Еўка” (вядучыя) прыехалі на багаты кірмаш за садавінай і гароднінай. У ролі прадаўцоў выступалі дзеці. Чаго толькі не было на тым кірмашы: яблыкі, бульба, морква, бурак і шмат чаго іншага! Каб пакупнікам лягчэй было знайсці ўсю патрэбную ім садавіну, яны папрасілі дапамогі ў дзяцей, якія з задавальненнем напаўнялі кошыкі дзеда і бабы таварам.

Потым усе ўдзельнікі гулялі ў беларускія народныя гульні, вадзілі карагоды, адгадвалі беларускія загадкі. Напрыканцы мерапрыемства дзеці частаваліся смачнымі яблыкамі.