3 лістапада спаўняецца 140 гадоў з дня нараджэння народнага паэта Беларусі Якуба Коласа. З гэтай нагоды у чытальную залу бібліятэкі былі запрошаны вучні 9А класа СШ № 1 на літаратурную сустрэчу “Колас: вядомы і невядомы”.
Цікавыя звесткі, эпізоды і ўспаміны пра Якуба Коласа выразна раскрываюць рысы яго характару як чалавека і як пісьменніка. Школьнікі даведаліся пра захапленні літаратара. Прагучалі ўрыўкі з паэм “Новая зямля”, “Сымон-музыка”, рамана “На ростанях”.
На працягу тыдня гэта мерапрыемства плануюць наведаць вучні старэйшых класаў сярэдніх навучальных устаноў горада.