На мерапрыемстве, якое праходзіла ў сценах бібліятэкі, дзеці пачулі шмат цікавага: чаму трэба шанаваць хлеб, які доўгі шлях праходзіць зерне з поля да нашага стала, якую вялікую працу павінны рабіць кожны дзень хлебаробы. Вядучыя расказалі і пра Ленінград у гады блакады, калі хлеб быў практычна адзіным харчаваннем, сімвалам жыцця і барацьбы.

Падчас мерапрыемства былі агучаны звычаі і абрады наконт хлеба, што прыйшлі да нас з старадаўняга часу. Напрыканцы мерапрыемства ўдзельнікі з задавальненнем адказвалі на пытанні тэматычнай віктарыны “Хлеб – усяму галава”, а галоўны прыз - салодкі падарунак, атрымаў кожны ўдзельнік.

Сустрэча атрымалася вельмі цікавая і пазнавальная.