Вядома, што на Купалле водзяць карагоды, спяваюць купальскія песні, скачуць праз вогнішча. У Гарадоцкай цэнтральнай бібліятэцы стала добрай традыцыяй святкаваць Купалле разам з жыхарамі горада. Супрацоўнікі бібліятэкі загадзя падрыхтаваліся да свята – наплялі купальскіх вянкоў, каб потым, за сімвалічную плату прапанаваць іх маладым дзяўчатам. Дзяўчына павінна пусціць вянок па вадзе – гэта можа прадказаць яе лёс на бліжэйшы год. Упершыню на свяце супрацоўнікі бібліятэкі прапанавалі маленькім наведвальнікам мерапрыемства ўнікальную магчымасць з дапамогай каляровых фарбаў у лічаныя хвіліны ператварыцца ў прынцэсу, фею, матылька, пірата, тыгра, ката або іншага казачнага героя.